Festa Kombëtare e 14 Korrikut 2024

Këtë vit, dhe me rastin e mbajtjes së Lojërave Olimpike dhe Paralimpike të Parisit 2024, Ambasada e Francës në Kosovë e ka vendosur Festën Kombëtare nën shenjën e Lojërave Olimpike dhe Paralimpike.

Ambasadori i Francës në Kosovë, Z. Olivier Guérot, pati kënaqësinë të mirëpresë autoritetet e larta të Kosovës, sportistët nga federatat e ndryshme si dhe përfaqësuesit e komunitetit ndërkombëtar dhe francez në Kosovë.

Gjatë kësaj nate, Instituti Francez i Kosovës inaguroi ekspozitën “Les Elles des Jeux” e cila vë në pah rrugëtimin e grave sportiste te cilave ju janë dashur disa dekada për të fituar vendin që ju takon në sportin në përgjithësi dhe më veçanërisht në lëvizjen Olimpike. Kjo ekspozitë është prodhuar nga Muzeu Kombëtar i Sportit.